ಎನ್ ಸಿಸಿ ಬಗ್ಗೆ ಏನೂ ಗೊತ್ತಿಲ್ಲ ಎಂದ ರಾಹುಲ್ ಗಾಂಧಿಗೆ ಎನ್ ಸಿಸಿ ಸದಸ್ಯೆಯೊಬ್ಬರು ಏನು ಹೇಳಿದ್ದಾರೆ ಗೊತ್ತಾ?

ಮುಂಬೈ: ಈ ರಾಹುಲ್ ಗಾಂಧಿ ಎಲ್ಲಿಗೇ ಹೋದರೂ ಒಂದೋ ಮೋದಿ ಮೋದಿ ಎಂದು ಕೂಗುತ್ತಾರೆ. ಇಲ್ಲವೇ, ಕಠಿಣ ಪ್ರಶ್ನೆ ಕೇಳಿ ಪೇಚಿಗೆ ಸಿಲುಕಿಸುತ್ತಾರೆ ಅಥವಾ ರಾಹುಲ್ ಗಾಂಧಿಯೇ ಪೇಚಿಗೆ ಸಿಲುಕುತ್ತಾರೆ. ಎರಡು ದಿನಗಳ ಹಿಂದಷ್ಟೇ ಕರ್ನಾಟಕಕ್ಕೆ ಬಂದಿದ್ದ ರಾಹಲ್ ಗಾಂಧಿಗೆ ಕಠಿಣ ಪ್ರಶ್ನೆಯೊಂದು ಎದುರಾಗಿತ್ತು. ವಿದ್ಯಾರ್ಥಿನಿಯೊಬ್ಬಳು ಎನ್ ಸಿಸಿ ಬಗ್ಗೆ ಕೇಳಿದ ಪ್ರಶ್ನೆಗೆ ತಡಬಡಿಸಿದ ರಾಹುಲ್ ಗಾಂಧಿ, ಕೊನೆಗೆ ನನಗೆ ಎನ್ ಸಿಸಿ ಬಗ್ಗೆ ಏನೂ ಗೊತ್ತಿಲ್ಲ ಎಂದು ಬಿಟ್ಟರು.

ಆದರೆ ರಾಹುಲ್ ಗಾಂಧಿಗೆ ಎನ್ ಸಿಸಿ ಬಗ್ಗೆ ಏನೂ ಗೊತ್ತಿಲ್ಲ ಎಂದಿರುವುದಕ್ಕೆ ಮುಂಬೈನ ಎನ್ ಸಿಸಿ ಸದಸ್ಯೆಯೊಬ್ಬರು ತೀವ್ರ ತರಾಟೆಗೆ ತೆಗೆದುಕೊಂಡಿದ್ದು, ರಾಹುಲ್ ಗಾಂಧಿ ಎನ್ ಸಿಸಿ ಬಗ್ಗೆ ತಿಳಿದುಕೊಳ್ಳಲೇಬಕು ಎಂದು ಆಗ್ರಹಿಸಿದ್ದಾರೆ.

ಕಾಂಗ್ರೆಸ್ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷನಾಗಿ, ರಾಹುಲ್ ಗಾಂಧಿಯರಿಗೇ ಎನ್ ಸಿಸಿ ಬಗ್ಗೆ ಗೊತ್ತಿಲ್ಲ ಎಂಬುದು ಅಚ್ಚರಿಯ ಸಂಗತಿ. 1965 ಹಾಗೂ 1971ರ ಯುದ್ಧದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ ರಾಷ್ಟ್ರೀಯ ಕೆಡೆಟ್ ಕಾರ್ಪ್ ಬಗ್ಗೆಯೇ ಗೊತ್ತಿಲ್ಲ ಎಂದರೆ ಹೇಗೆ. ರಾಹುಲ್ ಗಾಂಧಿ ಎನ್ ಸಿಸಿ ಬಗ್ಗೆ ತಿಳಿಯಬೇಕು ಎಂದು ಸಂಜನಾ ಸಿಂಗ್ ಎಂಬುವವರು ಒತ್ತಾಯಿಸಿದ್ದಾರೆ.

ಮೈಸೂರಿನ ಮಹಾರಾಣಿ ಕಾಲೇಜಿನಲ್ಲಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸುವ ವೇಳೆ, ಎನ್ ಸಿಸಿಯಲ್ಲಿ ಸಿ ಸರ್ಟಿಫಿಕೇಟ್ ಪಡೆದವರಿಗೆ ನೀವು ಯಾವ ಸೌಲಭ್ಯ ನೀಡಲು ಇಷ್ಟಪಡುತ್ತೀರಿ ಎಂದು ರಾಹುಲ್ ಗಾಂಧಿಗೆ ವಿದ್ಯಾರ್ಥಿನಿಯೊಬ್ಬಳು ಪ್ರಶ್ನೆ ಕೇಳಿದ್ದಳು. ಆಗ ರಾಹುಲ್ ಗಾಂಧಿ ನನಗೆ ಎನ್ ಸಿಸಿ ಬಗ್ಗೆ ಏನೂ ಗೊತ್ತಿಲ್ಲ ಎಂದಿದ್ದರು.

ಎನ್ ಸಿಸಿ ಬಗ್ಗೆಯೇ ಗೊತ್ತಿಲ್ಲದ ರಾಹುಲ್ ಗಾಂಧಿ ಮುಂದೊಂದು ದಿನ ಪ್ರಧಾನಿಯಾಗಿ ಹೇಗೆ ದೇಶವನ್ನು ಮುನ್ನಡೆಸಿಯಾರು, ಎನ್ ಸಿಸಿ ಬಗ್ಗೆಯೇ ಗೊತ್ತಿರದವನು ಯಾವ ಸೀಮೆ ರಾಷ್ಟ್ರೀಯ ನಾಯಕ ಎಂಬ ಮಾತುಗಳು ಕೇಳಿಬರುತ್ತಿವೆ.