ಮುಂಬೈ: ಖಾಸಗಿ ವಿಮಾನ ಪತನ ಐವರ ಸಾವು

ಮುಂಬೈ: ಮುಂಬೈ ಮಹಾನಗರದ ಹೊರವಲಯದಲ್ಲಿ ಪರೀಕ್ಷಾರ್ಥ ಹಾರಾಟ ನಡೆಸುತ್ತಿದ್ದ ಲಘು ವಿಮಾನವೊಂದು ಪತನಗೊಂಡು ಐವರು ಸಾವನ್ನಪ್ಪಿದ್ದಾರೆ.

https://youtu.be/Oztt20LeNoY

ಜುಹುನಿಂದ ಹೊರಟ 12 ಆಸನಗಳ ಈ ಖಾಸಗಿ ವಿಮಾನ ಘಾಟ್ಕೊಪುರದ ಜಾಗೃತಿ ನಗರದ ಸಮೀಪ ನೆಲಕ್ಕಪ್ಪಳಿಸಿ ಭಸ್ಮಗೊಂಡಿದೆ. ವಿಮಾನದ ಇಬ್ಬರು ಪೈಲಟ್‌ಗಳು ಹಾಗೂ  ಇಬ್ಬರು ಇಂಜಿನಿಯರ್‌ಗಳು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇದೇ ವೇಳೆ ವಿಮಾನದ ಕೆಳಗೆ ಸಿಕ್ಕಿ ಓರ್ವ ಪಾದಚಾರಿಯೂ ಸಾವನ್ನಪ್ಪಿದ್ದಾನೆ. ಮಹಿಳಾ ಪೈಲಟ್ ತನ್ನ ಪ್ರಾಣವನ್ನು ಒತ್ತೆಯಿಟ್ಟು ಘೋರ ದುರಂತ ಸಂಭವಿಸುವುದನ್ನು ತಪ್ಪಿಸಿದ್ದಾರೆ.

 ಮಧ್ಯಾಹ್ನ ಈ ಅಪಘಾತ ಸಂಭವಿಸಿದ್ದು ಅದೃಷ್ಟವಶಾತ್ ವಿಮಾನ ನಿರ್ಮಾಣ ಹಂತದ ಕಟ್ಟಡವೊಂದರ ಮೇಲೆ ಬಿದ್ದಿದ್ದರಿಂದ ಹೆಚ್ಚಿನ ಅನಾಹುತ ತಪ್ಪಿದಂತಾಗಿದೆ. ಪೈಲಟ್ ಸಮಯಪ್ರಜ್ಞೆಯಿಂದಾಗಿ ಈ ಜನನಿಬಿಡ ಸ್ಥಳದಲ್ಲಿ ಸಂಚರಿಸುತ್ತಿದ್ದ ಅಪಾರ ಸಂಖ್ಯೆಯ ನಾಗರಿಕರು ಅಪಾಯದಿಂದ ಪಾರಾಗಿದ್ದಾರೆ.