ತುಳುನಾಡು ಪನ್ಪಿನವು ಅವೆತೋ ನಂಬಿಕೆ ಆಚರಣೆಲೆಗ್ ಸಾಕ್ಷಿ ಆಯಿನಂಚಿನ ಪುಣ್ಯ ಮಣ್ಣ್, ನಮ್ಮ ಹಿರಿಯಕುಲು ಕಾಲ ಕಾಲೊಗ್ ತಕ್ಕ ಪ್ರಕೃತಿಡ್ ಆಪಿನ ಬದಲಾವಣೆಗ್ ಅನುಸಾರ ಕೆಲವೊಂಜಿ ಆಚರಣೆಲೆನ್ ಮಲ್ತದೊಂದು ಬೈದೆರ್, ಅಂಚಿನನೇ ಒಂಜಿ ಆಚರಣೆ ಆಟಿ ತಿಂಗೊಲುಡ್, ನಮ್ಮ ಊರುದ ನಮ್ಮ ಇಲ್ಲದ ಮಾರಿ ಕಳೆಯೆರೇ ಬರ್ಪಿನ ಶಕ್ತಿ, ಆಟಿ ಕಳೆಂಜೆ.
ನಮ್ಮ ಹಿರಿಯಕುಲು ಪಂಡಿಲೆಕ, ಆಟಿ ತಿಂಗೊಲುಡು ದೈವೊಲು ಮಾತ ಘಟ್ಟ ಮಿತರುವೆರ್ಗೆ, ಈ ಪೊರ್ತುಡು ಬರ್ಪಿನ ಮಾರಿ ಸಿಕುಲೆನ್ ಮಾತ ದೂರ ಮಲ್ಪೆರೆ ಬರ್ಪಿನಚಿತ್ತಿನ ಶಕ್ತಿಯೇ ಆಟಿ ಕಳೆಂಜೆ.
ಈ ಒಂಜಿ ನಮ್ಮ ತುಳುವೆರ್ನ ನಂಬಿಕೆ, ಆಚರಣೆ ಇನಿತತ್ ದಿನೊಟು ಅಳಿಯೊಂದು ಬರ್ಪಿನಡೆ ಮುಟ್ಟ ಏತುದುಂಡು, ಇಂಚೋಗು ಮಾತ ಈ ಆಚರಣೆ ವೇದಿಕೆಡ್ ತೂಪಿನಡೆ ಮುಟ್ಟಲ ಬತ್ತು ಏತುದುಂಡು.
ಈ ಒಟ್ಟು ವಿಷಯನ್ ಗಮನಡ್ ದಿವೊಂದು ಎಂಕಲ್ನ ಊರುದ್ ವಿನಾಯಕ ಫ್ರೆಂಡ್ಸ್ ಕ್ಲಬ್ 3ನೇ ಬ್ಲಾಕ್ ಕಾಟಿಪಳ್ಳದ ಜವನೆರ್ ಬೊಕ್ಕ ಗಗ್ಗರ ದೈವೋಲೆನಪದಿನಜಿ ಕಟ್ಲೆ ಮೊಕಲೆನ ಸಹಬಾಗಿತ್ತ್ವೊಡು ಈ ಅಳಿಯೊಂದು ಪೋಪಿನಂಚಿನ ನಮ್ಮ ಪೂರ್ವ ಕಾಲದ ಕಟ್ಟು ಕ್ರಮಕುಲೆನ್ ಕುಡೋರ ನಮ್ಮ ಒಟ್ಟುಗು ಜೋಡಣೆ ಮಲ್ಪುನ ಬಾರಿ ಮಲ್ಲ ಆಲೋಚನೆ ಮಲ್ತ್ದೆರ್ ಪನ್ಪಿನ ಸಂತೋಷದ ವಿಷಯ. ದುಂಬುದ ದಿನೊಟು ನನ ಆತ್ ನಮ್ಮ ಸಂಸ್ಕೃತಿ ಆಚರಣೆಲೆನ್ ಒರಿಪಾವುನ ಕೆಲಸ ನಿಕಲೆನ್ ಮುಕಾಂತರ ಆವೊಡು ಪನ್ಪಿನ ಆಶಯ.
ಈ ಒಟ್ಟು ಕಾರ್ಯಕ್ರಮ ಕೇವಲ ಎಂಕಲ್ನ ಪರಿಸರಗ್ ಮಾತ್ರ ಸೀಮಿತ ಆವಂದೆ, ಮಾತ ಕೊಡಿಡ್ಲ ನಡಪೋಡು ಅವೆನ್ ನಡಪಾವುನ ಕೆಲಸನ್ ನಮ ಮಾತೆರ್ಲ ಸೇರ್ದ್ ಮಲ್ಪೊಡು ಪನ್ಪಿನಲ ಎನ್ನ ಆಶಯ.
ಇಂಚಿನ ಒಂಜಿ ಆಲೋಚನೆದ ಒಟ್ಟುಗ್, ನಮ್ಮ ಸಮಾಜಡ್ ಅವೆತೋ ಸಮಾಜಮುಖಿ ಅಂಚೆನೇ ಧಾರ್ಮಿಕ ಕೆಲಸನ್ ಮಲ್ತ್ತೊಂದು ಉಪ್ಪುನಂಚಿನ ಎಂಕಲ್ನ 3ನೇ ವಾರ್ಡ್ ದ ವಿನಾಯಕ ಫ್ರೆಂಡ್ಸ್ ಕ್ಲಬ್ ದ ಜವನೆರೆಗ್ ಬೊಕ್ಕ ಗಗ್ಗರ ದೈವೋಲೆನಪದಿನಜಿ ಕಟ್ಲೆ ನಿಕಲೆಗ್ ಧನ್ಯವಾದೊಲು.
Trending Now
ಕ್ರಿಮಿನಾಲಜಿ ಕಲಿತವಳು ಕ್ರಿಮಿಯ ಬಯೋಲಜಿಗೆ ಮರಳಾದದ್ದೇ ಆಶ್ಚರ್ಯ!
