ಇನ್ನು ಮುಂದೆ ಉತ್ತರಖಂಡದ ಮದರಸಾಗಳಲ್ಲಿ ಸಂಸ್ಕೃತ ಭಾಷೆಯನ್ನು ಕಲಿಸಲಾಗುವುದು ಎಂದು ಉತ್ತರಖಂಡ ವಕ್ಫ್ ಬೋರ್ಡ್ ಚೇರಮೆನ್ ಶದಾಬ್ದ್ ಶಾಮ್ ಮಾಹಿತಿ ನೀಡಿದ್ದಾರೆ. ದೇವಭೂಮಿ ಉತ್ತರಖಂಡ ದೇವರುಗಳು ನೆಲೆಸಿದ ಪುಣ್ಯ ಕ್ಷೇತ್ರವಾಗಿದ್ದು, ಇಂತಹ ಪುಣ್ಯ ನೆಲದಲ್ಲಿ ಸಂಸ್ಕೃತ ಕಲಿಸದಿದ್ದರೆ ಇನ್ನೆಲ್ಲಿ ಕಲಿಸುವುದು ಎಂದು ಅವರು ತಿಳಿಸಿದ್ದಾರೆ.
ರಾಷ್ಟ್ರೀಯ ಶಿಕ್ಷಣ ನೀತಿಯನ್ನು ಉತ್ತರಖಂಡದ ಮದರಸಾಗಳಲ್ಲಿ ಅಳವಡಿಸುವ ಚಿಂತನೆ ನಡೆದಿದ್ದು, ಅದರ ಭಾಗವಾಗಿ ಸಂಸ್ಕೃತ ಶಿಕ್ಷಣವನ್ನು ಮದರಸಾಗಳಲ್ಲಿ ಕಲಿಸಲಾಗುವುದು ಎಂದು ಅವರು ಹೇಳಿದ್ದಾರೆ. ಇದೊಂದು ಐತಿಹಾಸಿಕ ನಿರ್ಧಾರವಾಗಿದ್ದು, ಉತ್ತರಖಂಡದಂತಹ ಶ್ರೇಷ್ಟ ಹಿನ್ನಲೆ ಹೊಂದಿದ ನಾಡಿನಲ್ಲಿ ವಕ್ಫ್ ಬೋರ್ಡ್ ಇಂತಹ ಕ್ರಮ ತೆಗೆದುಕೊಂಡದ್ದು ಎಲ್ಲರಿಗೂ ಮಾದರಿ ಎಂದು ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
