ಟೀಂ ಭಾರತ್ ಕ್ರಿಕೆಟ್ ತಂಡದ ನಾಯಕ ರೋಹಿತ್ ಶರ್ಮಾ ಅವರ ಪತ್ನಿ ರಿತಿಕಾ ಅವರು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಮೂಲಕ ರೋಹಿತ್ ದಂಪತಿಯ ಬದುಕಿನಲ್ಲಿ ಎರಡನೇ ಪುಟ್ಟನ ಪ್ರವೇಶವಾಗಿದೆ.
ರೋಹಿತ್ ಶರ್ಮಾ ದಂಪತಿಯ ಮೊದಲನೇ ಮಗಳು ಸಮೈರಾಳಿಗೆ ಈಗ ಆರು ವರ್ಷ. ಅವಳಿಗೆ ಈಗ ಒಬ್ಬ ಸಹೋದರ ಸಿಕ್ಕಿದಂತೆ ಆಗಿದೆ. ಆಸ್ಟ್ರೇಲಿಯಾದ ಪರ್ತ್ ನಲ್ಲಿ ನಡೆಯಲಿರುವ ಭಾರತ ಮತ್ತು ಆಸ್ಟ್ರೇಲಿಯಾ ಮೊದಲ ಟೆಸ್ಟ್ ಪಂದ್ಯ ನವೆಂಬರ್ 22 ರಿಂದ ನಡೆಯಲಿದ್ದು, ಒಂದು ವೇಳೆ ಮಗುವಿನ ಜನನದ ದಿನಾಂಕ ಮುಂದೂಡಿದ್ದರೆ ರೋಹಿತ್ ಮೊದಲ ಪಂದ್ಯಕ್ಕೆ ಅಲಭ್ಯರಾಗುತ್ತಿದ್ದರು. ಆದರೆ ಈಗ ಪತ್ನಿಯ ಡೆಲಿವರಿ ಆಗಿರುವುದರಿಂದ ರೋಹಿತ್ ಶರ್ಮಾ ಆಸ್ಟ್ರೇಲಿಯಾಕ್ಕೆ ಪ್ರಯಾಣ ಬೆಳೆಸುವ ಸಾಧ್ಯತೆ ಇದೆ. ಬಾರ್ಡರ್ – ಗವಾಸ್ಕರ್ ಟ್ರೋಫಿಗೆ ರೋಹಿತ್ ಆಸ್ಟ್ರೇಲಿಯಾಕ್ಕೆ ಬರಲು ಅಸಾಧ್ಯವಾದ್ದಲ್ಲಿ ವೇಗಿ ಜಸ್ಪ್ರೀತ್ ಬುಮ್ರಾ ತಂಡವನ್ನು ಮುನ್ನಡೆಸುವ ವಿಷಯ ಖಚಿತವಾಗಿತ್ತು.
ನ್ಯೂಜಿಲ್ಯಾಂಡ್ ವಿರುದ್ಧದ ಟೆಸ್ಟ್ ನಲ್ಲಿ ಸ್ವದೇಶದಲ್ಲೇ ಟೀಂ ಇಂಡಿಯಾ ವೈಟ್ ವಾಶ್ ಅನುಭವಿಸಿತ್ತು. ಡಬ್ಲೂಟಿಸಿ ಫೈನಲ್ ಗೆ ಅರ್ಹತೆ ಪಡೆಯಲು ಭಾರತದ ತಂಡ ಆಸ್ಟ್ರೇಲಿಯಾ ಉತ್ತಮ ಗಣನೀಯ ಪ್ರಮಾಣದಲ್ಲಿ ಆಟ ಆಡಿ ಸ್ಕೋರಿಂಗ್ ಸುಧಾರಿಸಿಕೊಳ್ಳುವ ಅಗತ್ಯ ಇದೆ.
