ದಸರಾ ರಜಾ ಅವಧಿ ಬದಲು- Tulunadu News ಸರಣಿ ಲೇಖನ ಫಲಶ್ರುತಿ!

ದ.ಕ. ಕೊಡಗು: ದಸರಾ ರಜೆ ಸೆ. 21ರಿಂದ ಅ.5ರವರೆಗೆ.
ದಕ್ಷಿಣ ಕನ್ನಡ ಹಾಗೂ ಕೊಡಗು ಜಿಲ್ಲೆಗಳ ಶಾಲಾ ಕಾಲೇಜುಗಳಿಗೆ ದಸರಾ ರಜೆಯನ್ನು ಸೆಪ್ಟೆಂಬರ್ 21 ರಿಂದ ಅಕ್ಟೋಬರ್ 5 ರವರೆಗೆ ನಿಗದಿಪಡಿಸಿ ರಾಜ್ಯ ಸರಕಾರ ಆದೇಶ ಹೊರಡಿಸಿದೆ. ಅ.6 ರಂದು ಶಾಲಾ ಕಾಲೇಜುಗಳು ಪುನರಾರಂಭಗೊಳ್ಳಲಿದೆ.
ಪ್ರಾಥಮಿಕ, ಪ್ರೌಢಶಾಲೆ ಮತ್ತು ಪಿಯುಸಿ ವಿದ್ಯಾಸಂಸ್ಥೆಗಳಿಗೆ ಈ ರಜೆ ಅನ್ವಯಿಸುತ್ತದೆ.

Tulunadu News ವಾಹಿನಿಯ ಅಂಕಣ ಬರಹಗಾರರೂ, ಖ್ಯಾತ ಸಾಮಾಜಿಕ ಹೋರಾಟಗಾರರು ಆಗಿರುವ ಹನುಮಂತ ಕಾಮತ್ ಅವರು ಸತತ ಎರಡು ದಿನ ಬರೆದ ಲೇಖನಗಳಿಗೆ ಸ್ಪಂದನೆ ಸಿಕ್ಕಿದೆ. ರಾಜ್ಯ ಸರಕಾರ ಮಕ್ಕಳ ರಜಾ ಅವಧಿಯನ್ನು ಬದಲಾಯಿಸಿದೆ. ಹನುಮಂತ ಕಾಮತ್ ಅವರ ಲೇಖನ ಓದಿ ಅನೇಕರು ಅದಕ್ಕೆ ಸ್ಪಂದಿಸಿದ್ದರು. ಈಗ ರಾಜ್ಯ ಸರಕಾರ ರಜೆ ಬದಲಾವಣೆ ಮಾಡಿ ಹೊರಡಿಸಿರುವ ನೂತನ ಆದೇಶ ಮಕ್ಕಳ ಮುಖದಲ್ಲಿ ಸಂತಸ ತಂದಿದೆ. ಮಕ್ಕಳ, ಪೋಷಕರ ಮನದಾಳವನ್ನು ಸರಕಾರಕ್ಕೆ, ಜಿಲ್ಲಾಡಳಿತಕ್ಕೆ ತಲುಪಿಸಿದ Tulunadu News ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ನಾವು ಜವಾಬ್ದಾರಿಯುತ ಮಾಧ್ಯಮವಾಗಿ ನಮ್ಮ ಕೆಲಸ ಮಾಡಿದ್ದೇವೆ. ಜನರು ಯಾವಾಗಲೂ ನಮ್ಮ ಜೊತೆಗೆ ಇದ್ದರೆ ಸಮಾಜದ ಡೊಂಕ ತಿದ್ದುವ ಕೆಲಸ ಮುಂದುವರೆಯಲಿದೆ.