ಭಟ್ಕಳ: 8 ವರ್ಷಗಳಿಂದ ಅಕ್ರಮವಾಗಿ ನೆಲೆಸಿದ್ದ ಪಾಕಿಸ್ತಾನದ ಮಹಿಳೆ ಅರೆಸ್ಟ್!

8 ವರ್ಷಗಳ ಹಿಂದೆ ಜಾವೇದ್ ಮೊಹಿದ್ದೀನ್ ಎಂಬ ಭಟ್ಕಳದ ಯುಕನನ್ನು ದುಬೈನಲ್ಲಿ ಮದುವೆಯಾಗಿದ್ದಳು, ನಂತರ 2004 ರಲ್ಲಿ 3 ತಿಂಗಳ ಪ್ರವಾಸಿ ವೀಸಾ ಪಡೆದು ಭಾರತಕ್ಕೆ ಬಂದು ನಂತರ ದುಬೈಗೆ ವಾಪಾಸ್ ಹೋಗಿದ್ದಳು. ಮತ್ತೆ ಕಳ್ಳ ಮಾರ್ಗದ ಮೂಲಕ ದುಬೈನಿಂದ ಭಾರತಕ್ಕೆ  ಆಗಮಿಸಿ ತನ್ನ ಮೂರು ಮಕ್ಕಳೊಂದಿಗೆ ಕಳೆದ 8 ವರ್ಷಗಳಿಂದ ಭಟ್ಕಳದಲ್ಲಿ ವಾಸವಿದ್ದಳು.

ಖಚಿತ ಮಾಹಿತಿ ಪಡೆದ ಭಟ್ಕಳ ಪೊಲೀಸರು ದಾಳಿ ನಡೆಸಿದಾಗ ನಕಲಿ ವೋಟರ್ ಐಡಿ, ರೇಷನ್ ಕಾರ್ಡ್ ತಯಾರಿಸಿ ನೆಲೆಸಿರುವುದು ಬೆಳಕಿಗೆ ಬಂದಿದೆ. ಐಪಿಸಿ ಸೆಕ್ಷನ್ 468, 471 ಅಡಿ ಪ್ರಕರಣ ದಾಖಲಿಸಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.