ರಶ್ಮಿಯಿಂದ ಪರಂ ತನಕ ಧ್ವನಿ ಎತ್ತಿದವರಿಗೆ ಲಗಾಡಿ ಸರಕಾರ ಬಿಟ್ಟಿಲ್ಲ!!

ಮಹಾರಾಷ್ಟ್ರದಲ್ಲಿ ಅಧಿಕಾರಕ್ಕೆ ಬಂದಿರುವ ಲಗಾಡಿ ಮೈತ್ರಿ ಪಕ್ಷಗಳ ಒಳಗೆ ಒಬ್ಬರಿಗೊಬ್ಬರಿಗೆ ಒಂದು ಚೂರು ವಿಶ್ವಾಸ ಇಲ್ಲ ಎನ್ನುವುದು ಸ್ಪಷ್ಟವಾಗಿದೆ. ಅದಕ್ಕೆ ಪರಂಬೀರ್ ಸಿಂಗ್ ಸುಪ್ರೀಂಕೋರ್ಟ್ ಗೆ ಸಲ್ಲಿಸಿರುವ ಮನವಿಯಲ್ಲಿ ಉಲ್ಲೇಖಿಸಿರುವ ಒಂದು ಹೆಸರಿನ ಸುತ್ತಮುತ್ತ ಈಗ ಪ್ರಕರಣ ವಿಶಿಷ್ಟ ತಿರುವನ್ನು ಪಡೆದುಕೊಂಡಿದೆ. ಪರಂಬೀರ್ ಸಿಂಗ್ ತಮ್ಮ ಅಹವಾಲಿನಲ್ಲಿ ರಶ್ಮಿ ಶುಕ್ಲ ಎನ್ನುವ ಹೆಸರನ್ನು ಉಲ್ಲೇಖಿಸಿದ್ದಾರೆ. ಈ ಹೆಣ್ಣುಮಗಳು ಈಗ ಸೆಂಟ್ರಲ್ ರಿಸರ್ವ್ ಪೋರ್ಸ್ ಹುದ್ದೆಯಲ್ಲಿದ್ದಾರೆ. ಅದಕ್ಕಿಂತ ಮೊದಲು ಮುಂಬೈಯ ಇಂಟೆಲಿಜೆನ್ಸ್ ವಿಭಾಗದ ಮುಖ್ಯಸ್ಥರಾಗಿದ್ದರು. ಅವರು ಒಂದು ವರದಿ ತಯಾರಿಸಿ ಮುಖ್ಯಮಂತ್ರಿ ಉದ್ದವ್ ಠಾಕ್ರೆಯವರಿಗೆ ಕಳೆದ ವರ್ಷದ ಅಗಸ್ಟ್ ನಲ್ಲಿ ಸಲ್ಲಿಸಿದ್ದರು. ಆ ವರದಿಯಲ್ಲಿ ಮಹಾರಾಷ್ಟ್ರದ ಉನ್ನತ ಅಧಿಕಾರಿಗಳು ಹೇಗೆ ವಿವಿಧ ಇಲಾಖೆಗಳಲ್ಲಿ ಟ್ರಾನ್ಸಫರ್ ದಂಧೆಯನ್ನು ಚಲಾಯಿಸಿಕೊಂಡು ಹೋಗುತ್ತಿದ್ದಾರೆ ಎಂದು ಉಲ್ಲೇಖಿಸಿದ್ದರು. ಅದಕ್ಕೆ ಅವರ ಬಳಿ ಸಾಕ್ಷ್ಯಧಾರಗಳಿದ್ದವು. ಅವರು ಅನೇಕ ಅಧಿಕಾರಿಗಳ ಟೆಲಿಫೋನ್ ಗಳ ಕದ್ದಾಲಿಕೆಯನ್ನು ಮಾಡಿದ್ದರು. ಆ ವರದಿಯ ಆಧಾರದ ಮೇಲೆ ಕ್ರಮ ಕೈಗೊಳ್ಳಬೇಕಿದ್ದ ಸಿಎಂ ಠಾಕ್ರೆ ಅವರು ರಶ್ಮಿ ಶುಕ್ಲ ಅವರನ್ನು ಎತ್ತಂಗಡಿ ಮಾಡಿದ್ದರು. ತಾನು ಮುಖ್ಯಮಂತ್ರಿಗಳ ಸೂಚನೆ ಮೇರೆಗೆ ಟೆಲಿಫೋನ್ ಕದ್ದಾಲಿಕೆ ಮಾಡಿ ಸಾಕ್ಷಿಗಳನ್ನು ಸಂಗ್ರಹಿಸಿ ವರದಿ ಮಾಡಿದ್ದೆ ಎಂದು ರಶ್ಮಿ ಹೇಳಿದ್ದರೂ ಅವರು ಮಾಡಿದ್ದೇ ಅಪರಾಧ ಎನ್ನುವ ಆಧಾರದಲ್ಲಿ ಅವರಿಗೆ ಎತ್ತಂಗಡಿ ಮಾಡಲಾಗಿತ್ತು. ಸಿಂಗ್ ಹಾಗೂ ರಶ್ಮಿ ಶುಕ್ಲ ಒಂದೇ ಬ್ಯಾಚಿನ ಐಪಿಎಸ್ ಅಧಿಕಾರಿಗಳು. ರಶ್ಮಿ ವರದಿ ಬಗ್ಗೆನೂ ಸಿಬಿಐ ತನಿಖೆ ಮಾಡಬೇಕೆಂದು ಈ ಮೂಲಕ ವರ್ಗಾವಣೆಯಲ್ಲಿ ಹರಡಿರುವ ವ್ಯಾಪಕ ಭ್ರಷ್ಟಾಚಾರವನ್ನು ಹೋಗಲಾಡಿಸಬೇಕೆಂದು ಅಂತಿಮವಾಗಿ ಪರಂಬೀರ್ ಮಾನ್ಯ ಸುಪ್ರೀಂಕೋರ್ಟ್ ಅನ್ನು ಮನವಿ ಮಾಡಿದ್ದಾರೆ. ಇಲ್ಲಿ ಏನಾಗಿದೆ ಎಂದರೆ ಎನ್ ಸಿಪಿ ಹಾಗೂ ಕಾಂಗ್ರೆಸ್ ತಾವು ಅಧಿಕಾರದಲ್ಲಿ ಇದ್ದಷ್ಟು ಸಮಯ ಯಾವ ಮೂಲೆಯಿಂದಾದರೂ ಸರಿ ಗೆಬರಿ ಹೆಕ್ಕಿ ಮುಕ್ಕಿ ಬಿಡಬೇಕು ಎಂದು ನಿರ್ಧರಿಸಿರುವುದು ಉದ್ದವ್ ಗೆ ಗೊತ್ತಿಲ್ಲದ ಸಂಗತಿ ಏನಲ್ಲ. ಆದ್ದರಿಂದ ಇವರು ಬಾಚುತ್ತಿರುವ ಹಣದ ಮೂಲವನ್ನು ಸಾಕ್ಷಿಗಳ ಸಮೇತ ಹಿಡಿದು ಇನ್ನೊಂದು ಆಟ ಆಡಲು ಉದ್ದವ್ ತೀರ್ಮಾನಿಸಿದ್ದಾರೆ. ಅದಕ್ಕಾಗಿ ಅದೇ ಅಧಿಕಾರಿಗಳನ್ನು ಅವರು ಬಳಸುತ್ತಿದ್ದಾರೆ. ಆದರೆ ವರದಿ ಸಿದ್ಧವಾದ ನಂತರ ಆ ಅಧಿಕಾರಿಗಳು ಮೈತ್ರಿ ಪಕ್ಷಗಳ ಒತ್ತಡಕ್ಕೋ ಏನೋ ವರ್ಗಾವಣೆ ಆಗುತ್ತಿದ್ದಾರೆ. ರಶ್ಮಿ ಹಾಗೂ ಪರಂಬೀರ್ ಅದೇ ಜಾಲಕ್ಕೆ ಸಿಲುಕಿ ಬಿದ್ದ ಅಧಿಕಾರಿಗಳು. ಇವರು ಎನ್ ಸಿಪಿ ವಿರುದ್ಧ ಸಾಕ್ಷ್ಯ ನೀಡಿದ ನಂತರ ವರ್ಗಾವಣೆಗೊಂಡಿದ್ದಾರೆ.